الس ءِ ریلیف فراوان کننگ کن کل دوئی وسیلہ غاتے فراوان کننگ اُن،اسسٹنٹ کمشنر ڈیرہ اللہ یار

کبین بہا کننگ، ناروا کٹیا کاری، سرکاری نہاد آتے بے بالوک دکاندار تتون رعایت کپنہ،دھیرج کالرا

0

Get real time updates directly on you device, subscribe now.

نصیرآباد، وزیراعلیٰ بلوچستان میر سرفراز بگٹی و چیف سیکرٹری بلوچستان شکیل قادر خان نا خصوصی پارت نا رد اٹ الس ءِ اڑزان نہاد آ آب اٹو کنوئی آ گڑاتا فراوانی ءِ پک کننگ و ناروا کٹیا کاری و گرانفروشی نا توننگ کن ضلعی انتظامیہ جعفرآباد متحرک ءِ۔ ڈپٹی کمشنر جعفرآباد خالد خان نا پارت آ اسسٹنٹ کمشنر ڈیرہ اللہ یار دھیرج کالرا نا کماشی ٹی پرائس کنٹرول کمیٹی نا اہم ءُ دیوان اس اڈ ہلک، ہراٹی ٹریڈ یونین آتا نمائند، پوریاگر برادری نا عہدیدار و تعلقدار محکمہ غاتا افسر آک بشخ ہلکر۔ دیوان اٹ شار اٹی کنوئی آگڑاتا ساڑی نہاد، مارکیٹ اٹی ضرورت ناگڑاتا دوئی مننگ و سرکاری نہاد لڑ آ عملدرآمد نا حالیت نا جم جاچ ءِ ہلنگا۔ دا وخت آ سوزی، میوہ، سو‘ دال، برنج و ایلو ہڑدے ئی کاریم اٹ اتوک آ گڑاتا نہاد آتیا سجفنگا‘ وخت اس کہ پوریاگر برادری ءِ پارت کننگا کہ او الس ءِ پک کروک سرکاری نہاد نا رد اٹ آب اٹو کنشت ناگڑا نافراوانی ءِ پک کیر و گرج انا گڑاتا نہاد آتے ٹی تینے آن ٹہیفوک ودکی آن پاریز کیر۔ اسسٹنٹ کمشنر دھیرج کالرا دیوان آن تران کرسا پیدوار کرے کہ ضلعی انتظامیہ الس ءِ ریلیف فراوان کننگ کن کل دوئی وسیلہ غاتے کاریم اٹ اتنگ اٹی ءِ و کس ءِ ہم سرکاری نہادلڑ نا خلاف ورزی نا موکل تننگپک۔ او پارے کہ گرانفروشی، ناروا کٹیا کاری و سرکاری نہاد لڑ ءِ بے بالوک دکاندارک ہچ رعایت نا حقدار افس۔ دا وڑ انا بندغ آتا برخلاف کانود نا رِد اٹ سخت کارروائی کننگک‘ او تعلقدار افسر آتے پارت کرے کہ او ہڑدے نا بنداو آ بازار و مارکیٹ آتا دورہ ءِ کیر، نہاد آتے چیک ءِ کیر و سرکاری نہاد لڑ ءِ پاش ہند آتیا خلفنگ تون اوار اوفتیا عملدرآمد ءِ پک کیر۔ او پوریاگر برادری آ زور شاغا کہ او ضلعی انتظامیہ تون کمک کیر تاکہ الس ءِ کبینی نا باریم آن ریلیف فراوان کننگ مرے و شار اٹی کنوئی آ گڑاتا نہاد آتے کنٹرول کننگ مرے۔

Get real time updates directly on you device, subscribe now.

Leave A Reply

Your email address will not be published.