محمد حنیف نورزئی ناکماشی ٹی اہم دیوان
کوئٹہ، عدالت عالیہ بلوچستان نا پرمان نا رد اٹ ایڈیشنل ڈپٹی کمشنر ریونیو ویسٹ کوئٹہ محمد حنیف نورزئی نا کماشی ٹی بیوٹمز – بلوچستان یونیورسٹی آف انفارمیشن ٹیکنالوجی، انجینئرنگ اینڈ مینجمنٹ سائنسز) نا ڈغار نا حد بندی نا رد اٹ اہم ءُ دیوان اس اڈ ہلک۔ دیوان اٹی بیوٹمز نا ڈغار نا حد بندی نا چندی باندات آتا جم جاچ ءِ ہلنگا، وخت اس کہ دا رد اٹ شرفمند ہائیکورٹ نا پرمان و فیصلہ غاتیا ہم سجفنگا۔ دیوان اٹ ڈغار نا حد بندی نا عمل ءِ بھرمی و منظم وڑ اٹ مونا اتنگ کن آخبت نا لائحہ عمل ہم ترتیب تننگا‘ داوخت آ دا ارادگی نا درشانی ءِ کننگا کہ ڈغار نا حد بندی تون اوار کل تعلقدار باندات آتے کانود و ضابطہ تا رِد اٹ سر تننگک و شرفمند ہائیکورٹ نا فیصلہ و پرمان آ پورو عملدرآمد ءِ پک کننگک۔