آل پارٹیز نا صوبائی کال آ پریس کلب ڈھاڈر نا مون آ برانزی مچی
ڈھاڈر، آل پارٹیز نا صوبائی کال آ ڈھاڈر اٹی سیاسی و مذہبی جماعت آتا کنڈآن پریس کلب ڈھاڈر نا مون آ برانزی مچی اڈتننگا‘ ہراکان مست کل جماعت آتا کنڈ آن تروک کال آ شار انا کل چنکا بھلا واپاری ہند آک ہم بند ئسر۔ پریس کلب نا مون آ برانزی تیان تران کرسا نیشنل پارٹی ضلع کچھی نا صدر ملک اسداللہ بنگلزئی، عبداللہ بلوچ، جمعیت علماء اسلام (ف) نا جنرل سیکرٹری حافظ مولانا محمد یعقوب کھوسہ و حافظ احمد خان خجک تینا خیال آتا درشانی ءِ کرسا پاریر کہ سیاسی جماعت آک الس نا حق، جمہوری اقدار و بنداوی ویل آتا ایسری کن جہد ءِ برجا تخانو۔ ساڑی فارم 47 نا پیداوار بنجائی و صوبائی حکومت ملک اٹی جمہوریت ءِ خون خوار ءُ درندہ اسے نا وڑ اٹ چوشنگ ءِ‘ حاکم آک بایدے السی ویل آتیا سنجیدہ گام گیج کیر۔ (نامہ نگار)