غیر حاضر کارندہ غاتا برخلاف دمدستی کارروائی عمل ءِ پک کننگے،فلائٹ لیفٹیننٹ (ر) خالد شمس

استاد آتا حاضری و تدریسی سرجز آتا سخت چاروکی کن ہڑدے نا کاٹم آ اسکول آتا دورہ کننگے

0

Get real time updates directly on you device, subscribe now.

برشور، وزیراعلیٰ بلوچستان میر سرفراز احمد بگٹی نا تعلیم دوست پالیسی نا رد اٹ ضلع برشور اٹی تعلیمی آب ءِ بڑز کننگ و سرکاری اسکول آتا کارکڑد ءِ بھرمی کننگ کن ڈپٹی کمشنر فلائٹ لیفٹیننٹ (ر) خالد شمس نا کماشی ٹی ڈسٹرکٹ ایجوکیشن گروپ نا اہم ءُ دیوان اس اڈ ہلک۔ دیوان اٹی اسسٹنٹ کمشنر برشور سید رضی ہریرہ، محکمہ تعلیم نا ضلعی افسر، کلسٹر ہیڈز و ایلو تعلقدار افسر آک بشخ ہلکر، ہراڑے تعلیمی ادارہ غاتے مون تروک ویل و استاد آتا حاضری نا جم جاچ ءِ ہلنگا۔ دیوان اٹ ڈپٹی کمشنر خالد شمس پیدوار کرے کہ تدریسی عمل اٹی ہچ وڑ انا سستی یا ڈیوالئی اسُل سگنگ مفک‘ او کل کلسٹر ہیڈ آتے سخت پارت کرے کہ شفافیت ءِ پک کننگ کن شیفکو کارندہ غاتا پورو ڈیٹا ءِ دفتر آ راہی کننگے و محکمہ خزانہ غان اونا باقاعدہ پک ءِ کرفنگے۔ او مستی پارے کہ استاد آتا حاضری و تدریسی سرجز آتا ترند چاروکی کن ہڑدے نا بنداو آ اسکول آتا دورہ کننگے، و غیر حاضر مروک کارندہ غاتا برخلاف دمدستی سخت کارروائی کننگے۔ ڈپٹی کمشنر اسسٹنٹ کمشنر و تعلیمی افسر آتیا زور شاغا کہ او باقاعدہ شیڈول نا رد اٹ اسکول آتا دورہ ءِ کیر تاکہ ضلع نا ہچ ءُ اسکول اس بند مف۔ دیوان نا اخیر اٹ دا فیصلہ کننگا کہ علاقہ ٹی ساڑی نزور و پنوک اسکول ماڑی تا دمدستی نشاندہی کرسا جم رپورٹ ءِ ڈی ای او آفس آ راہی کننگے، تاکہ وخت آ جوڑجاڑ و بحالی نا کمک اٹ طالب علم آتے اسہ رکھوک و گچین تعلیمی چاگڑد دوئی مرے و ضلع ٹی تعلیم نا آب جوانی آن گچین مننگ اٹ بدل مرے۔

Get real time updates directly on you device, subscribe now.

Leave A Reply

Your email address will not be published.