بانی پی ٹی آئی ریلیف و سزا چٹفنگ نا خواہندار ءِ، احسن اقبال
اسلام آباد، بنجائی وزیر ڈٹ بندی احسن اقبال پارینے کہ بانی پی ٹی آئی جانجوڑی نا بنداو آ تین کن ریلیف و سزا نا چٹفنگ نا خواہندار ءِ‘ اگہ بانی پی ٹی آئی نا 60 ارب روپئی نا باندات ءِ معاف کننگے تو کل بندی تیکن لس معافی نا پڑو کننگے، امریکہ، برطانیہ و یورپ اٹی سرکڑدہ اس دن کرے تو مچ آ زند الس ءِ مون نشان تننگ نا لائخ سلپک۔ میڈیا تون ہیت کرسا بنجائی وزیر احسن اقبال پارے کہ بانی پی ٹی آئی جانجوڑی نا بنداو آ تین کن ریلیف و سزا تے چٹفنگ خواہک، پی ٹی آئی بھلو وخت اسے آن این آر او نا خواست ءِ کننگ اٹی ءِ، اگہ بانی پی ٹی آئی نا 60 ارب روپئی نا باندات ءِ معاف کننگے تو کل بندی تیکن لس معافی نا پڑو کننگے۔ احسن اقبال پارے کہ بانی پی ٹی آئی نا برخلاف ہچ بیرہلوک کارروائی کننگ تنے۔