میرٹ آ تالان نظام اسے نا شون تننگ حکومتی اولیت آتیٹی اوار ءِ،نوابزادہ امیرحمزہ زہری

وزیراعلیٰ بلوچستان میر سرفراز بگٹی نا وژن نا ردا ٹ محکمہ ٹی بھرتی تا عمل ءِ میرٹ نا رد اٹ پک کننگک، صوبائی بلدیات سلاہکار

0

Get real time updates directly on you device, subscribe now.

کوئٹہ، صوبائی سلاہکار بلدیات و خلقی شونداری نوابزادہ امیر حمزہ زہری پارینے کہ صوبائی حکومت الس ءِ بنداوی شاری آسراتی تا فراوانی، بلدیاتی ادارہ غاتا واکداری ٹی ودکی و شونداری ڈٹ آتا وخت آ پوروی کن کل دوئی وسیلہ غاتے کاریم اٹ اتنگ اٹی ءِ۔ محکمہ بلدیات ءِ پوسکنوڑ خواست آتتون ہم گرنچ کرسا ڈیجیٹلائزیشن، شفافیت و میرٹ آ تالان نظام ءِ شون تننگ حکومت نا اولیکو اولیت آتیٹی اوار ءِ۔ دا ہیت ءِ او محکمہ بلدیات و خلقی شونداری نا کارکڑد و انتظامی باندات نا جاچ ہلنگ نا دیوان نا کماشی ءِ کرسا کرے۔ دیوان اٹی سیکرٹری بلدیات و خلقی شونداری عبدالرؤف بلوچ، ڈائریکٹر جنرل محکمہ بلدیات و خلقی شونداری عزت نذیر بلوچ، سیکرٹری بلوچستان لوکل گورنمنٹ بورڈ شجاعت علی بلوچ، ایڈمنسٹریٹر کوئٹہ بشیر احمد بڑیچ، چیف آفیسر میٹروپولیٹن کارپوریشن عبدالوحید بادینی، ڈائریکٹر جنرل ڈی اے عبدالمنان دوتانی تون اوار محکمہ بلدیات و خلقی شونداری نا بڑزکو افسر آک بشخ ہلکر۔ دیوان اٹی محکمہ بلدیات نا سالانہ شونداری پروگرام (PSDP) مالی سال 2026-27ء آ دا وخت اسکان مروک آ پیشرفت نا جم جاچ ءِ ہلنگا۔ دا وخت آ برجا شونداری ڈٹ آتا حالیت، عملدرآمد نا ترندی و آخبت نا لائحہ عمل آ سجفنگا وخت اس کہ مالی سال 2026-27ء کن گرانٹ ان ایڈ (Grant-in-Aid) نا فراوانی و اونا کاریم اٹ اتنگ تون تعلقدار پیشرفت نا ہم جاچ ءِ ہلنگا۔ صوبائی سلاہکار نوابزادہ امیر حمزہ زہری پارت کرے کہ شونداری ڈٹ و کمکی گرانٹ آتا بھرم تے حقی معنہ اٹ الس اسکان سر کننگے و کل تعلقدار باندات آتے ٹی شفافیت و پرسجو ءِ پک کننگے۔ دیوان اٹی محکمہ بلدیات نا رد اٹ برجا بھرتی تا عمل نا ساڑی حالیت آ ہم جم سجفنگا‘ سیکرٹری بلدیات و خلقی شونداری عبدالرؤف بلوچ نا کنڈ آن جم بریفنگ تننگا و پاننگا کہ وزیراعلیٰ بلوچستان میر سرفراز بگٹی نا وژن نا رِد اٹ محکمہ ٹی بھرتی تا عمل ءِ میرٹ، شفافیت و قاعدہ و ضابطہ نا نا رد اٹ پورو کننگک۔

Get real time updates directly on you device, subscribe now.

Leave A Reply

Your email address will not be published.