شونداری ڈٹ آتا آب آ سمجھوتہ ہچ گہس سگنگ پک، محمد اسماعیل لاشاری

ڈٹ آتا وخت آ پوروی و شفافیت ءِ پک کننگ تعلقدار کمامدار آتا بنداوی زمواری ءِ، اے ڈی سی استا محمد

0

Get real time updates directly on you device, subscribe now.

اوستا محمد، ڈپٹی کمشنر اوستا محمد محمد رمضان پلال نا خصوصی پارت نا رد اٹ ایڈیشنل ڈپٹی کمشنر اوستا محمد محمد اسماعیل لاشاری سپرنٹنڈنٹ عبدالرحمان بلوچ و رفیق احمد تون اوار بلوچستان اسپیشل ڈویلپمنٹ انیشیٹو (BSDI) نا رد اٹ پوسکن تفنگوک آفیسر ریسٹ ہاؤس نا جم دورہ ءِ کرے۔ دورہ نا وخت آ ایڈیشنل ڈپٹی کمشنر ریسٹ ہاؤس نا جتاجتا بشخ تفوئی کاریم تا پیشرفت، کاریم اٹ اتوک تعمیراتی میٹریل و برجا شونداری سرجز آتا خوڑتی اٹ جاچ ءِ ہلک۔ او دا وخت آ ساڑی تعلقدار کارندہ غاتیان ڈٹ انا جم حالیت، داسکان پورو مروک کاریم و سلوک تفوئی ریسہ غاتا رد اٹ معلومداری ہم دوئی کرے۔ دا وخت آ او پیدوار کرے کہ شونداری ڈٹ آتیٹی تفوئی آب آ سمجھوتہ ہچ گہس سگنگ مفک‘ آفیسر ریسٹ ہاؤس نا تفنگ اٹی پک کروک آب‘ منظور مروک ڈیزائن و تکنیکی خواست آتے امر کہ مرے پک کننگے‘ وخت اس کہ کاریم اٹ اتوک تفوئی میٹریل نا آب آ ہم خصوصی چکار تننگے۔ او پارت کرے کہ اگہ ریسہ اسے ٹی تفوئی کاریم تے ٹی نزوری یا کمتی خننگا تو اودے دمدستی اینک کننگے تاکہ ڈٹ مدامگی و آب اٹ پورو مرے۔ ایڈیشنل ڈپٹی کمشنر مستی پارت کرے کہ شونداری ڈت ءِ پک ٹائم فریم اٹ پورو کننگ کن تفوئی کاریم نا رفتار ءِ ترند کننگے و کل ریسہ غاتا باقاعدگی اٹ چاروکی ءِ کننگے۔ او پارے کہ حکومت بلوچستان نا کنڈ آن السی و سرکاری آسراتی تا جوانی کن بنا کروک شونداری ڈٹ آتا وخت آ پوروی و شفافیت ءِ پک کننگ تعلقدار کمامدار آتا بنداوی زمواری ءِ، دا رد اٹ ہچ وڑ انا ڈیوالئی یا تل ول ءِ گوجالنگ مفک۔

Get real time updates directly on you device, subscribe now.

Leave A Reply

Your email address will not be published.