تعلیم نا بشخ اٹی جوانی اتنگ حکومت نا اولیت آتیٹی اوار ءِ،ڈپٹی کمشنر قلات

استاد آک تینا کل چکار ءِ طالب علم آتے آب اٹنگا تعلیم نا فراوانی و جوان ہیلکاری آ کیر

0

Get real time updates directly on you device, subscribe now.

قلات، ڈپٹی کمشنر قلات انجینئر عائشہ زہری نا کماشی ٹی ڈسٹرکٹ ایجوکیشن گروپ نا توئی دیوان اڈ ہلک۔ دیوان اٹی ڈسٹرکٹ ایجوکیشن آفیسر نثار احمد نورزئی، ڈسٹرکٹ آفیسر ایجوکیشن میل ثناء اللہ ثناء، ڈسٹرکٹ اکاؤنٹس آفیسر عبدالفتاح تون اوار محکمہ تعلیم قلات و خالق آباد نا افسر، و آر ٹی ایس ایم شاہنواز بشخ ہلک۔ دیوان اٹی ضلع قلات اٹی محکمہ تعلیم نا کارکڑد، سرکاری اسکول آتیٹی استاد آتا حاضری، پوسکن تفنگوک اسکول آتا پوروی، اسکول آتا ماڑی تا جوڑجاڑ‘ استاد آتا کمتی، ٹرانسفر و پوسٹنگ، اٹیچمنٹ و ایلو اہم باندات آتا جم جاچ ءِ ہلنگا۔ محکمہ تعلیم نا افسرآک ڈپٹی کمشنر ءِ غیر حاضر استاد و ایلو انتظامی باندات آتا بابت جم بریفنگ تسر۔ دا وخت آ ڈپٹی کمشنر عائشہ زہری پارے کہ تعلیم نا بشخ انا جوانی حکومت نا اولیت آتیٹی اوار ءِ، ہندا سوب آن محکمہ تعلیم ءِ مون تروک ویل آتا ایسری و تعلیمی ادارہ غاتیٹی آسراتی تا فراوانی کن کل دوئی وسیلہ غاتے کاریم اٹ اتنگ انگ ءِ۔ او پارے کہ اسکول آتیٹی استاد آتا غیرحاضری ہچ گہس سگنگ مفک‘ غیر حاضر استاد آتا برخلاف قاعدہ و ضابطہ نا رِد اٹ کارروائی کننگ انگ ءِ‘ استاد آک تینا کل چکار ءِ طالب علم آتے آب اٹنگا تعلیم نا فراوانی و اوفتا گچین ہیلکاری آ کیر۔ ڈپٹی کمشنر پارے کہ چناک ننا آخبت نا ٹہیفوک آک ءُ، اوفتے آب اٹو تعلیم و گچین چاگڑد فراوان کننگ ننا کل انا اسیجائی زمواری ءِ۔ ڈپٹی کمشنر انجینئر عائشہ زہری محکمہ تعلیم نا افسر و آر ٹی ایس ایم تے سخت پارت کرے کہ او ہڑدے نا بنداو آ اسکول آتا دورہ ءِ کیر و استاد آتا حاضری تون اوار تعلیمی سرجز آتا باقاعدگی اٹ چاروکی ءِ پک کیر، تاکہ ضلع ٹی تعلیمی آب ءِ پین گچین جوڑ کننگ مرے۔

Get real time updates directly on you device, subscribe now.

Leave A Reply

Your email address will not be published.