پاکستان نا الس صوبہ خواہک تو بایدے جوڑ کننگے، عطاء تارڑ

0

Get real time updates directly on you device, subscribe now.

اسلام آباد، بنجائی وزیر حوالکاری وشینکاری عطاء اللہ تارڑ پارینے کہ پاکستان نا الس اگہ صوبہ خواہک تو جوڑ کرسا تننگے، صوبہ غاتا باندات آ دتر چر کننگ نا ہیت عقل آن پیشن ءِ، الس نا سلاہ ءِ معلوم کننگ نا جوان انگا وڑ ریفرنڈم ءِ، نم الس نا مرضی نا ہیت ءِ انت اکن کپیرے؟ اسہ وخت اٹ حکومت نا مزہ ہلنگ و اپوزیشن کننگ بھلو تضاد اسے۔ چیئرمین پی پی پی بلاول بھٹو زرداری نا بیان آ ردِعمل ترسا وزیر حوالکاری و شینکاری عطاء اللہ تارڑ پارے کہ ملک اٹی گڈ گورننس نا بابت شرہ مننگ ءِ، الس گچین و آب اٹو حکومت خواہک، گچین گورننس، الس ءِ آسراتی تا فراوانی و الس نا مون آ پرسجو حکومت الس نا بنداوی گرج و حقی ویل ءِ، نم و نن کل دہائی تیاں دا نظام نا بشخ اُن۔ وزیر حوالکاری پارے کہ اینو نن تینے دا نظام نا کمتی و نزوری تیان جتا کننگ کپنہ۔

Get real time updates directly on you device, subscribe now.

Leave A Reply

Your email address will not be published.