اسیجائی بین الحکومتی کمیشن نا شش می دیوان،پاکستان ترکمانستان نا واپار، توانائی وایلو بشخ آتیٹی کمکاری ودفنگ آ امان

نائب وزیراعظم سینیٹر محمد اسحاق ڈار و ترکمانستان نا ڈپٹی چیئرمین رشید مریدوف دیوان نا کماشی ءِ کریر

0

Get real time updates directly on you device, subscribe now.

اسلام آباد، نائب وزیراعظم و وزیر خارجہ سینیٹر محمد اسحاق ڈار و ترکمانستان نا ڈپٹی چیئرمین کابینہ وزیرک و وزیر خارجہ رشید مریدوف پاکستان و ترکمانستان نا اسیجائی بین الحکومتی کمیشن نا ششمی دیوان نا اسیجائی کماشی ءِ کریر، ہراٹی ہڑتوم آ ملک آتا نیام اٹ ہڑتوم آ کنڈآتا کمک نا کل پلوآتا سرجمی اٹ جاچ ءِ ہلنگا و گیشتر بشخ آتے ٹی شریداری ءِ پین کڑمب کننگ نا وڑوڈول آتا بارواٹ گپ و تران کننگا۔ دفتر خارجہ نا ترجمان نا رداٹ دیوان وزارت خارجہ ٹی اڈ ہلک، ہراٹی واپار و زرکاری، توانائی، کشت وکشارو غذائی رکھ، ٹرانسپورٹ و مواصلات، صنعت، انفارمیشن ٹیکنالوجی و ٹیلی کمیونیکیشن، تعلیم، جان جوڑی، بینکاری و مالیات، سیل و سوات، گوازی و دود و ربیدگی تون اوار چندی بشخ آتے ٹی کمک ءِ مونی دننگ نا گمان تیا سجفنگا۔ دیوان اٹ بجلی نا بشخ اٹ کمک، ٹرانزٹ واپار و علاقائی رابطہ غاتے مونی دننگ نا وارخواہی تیاہم گپ و تران کننگا۔ ہڑتوم آ کنڈآک کاروباری ادارہ غاتا نیام اٹ رابطہ غاتے سوگو کننگ، ادارہ ئی شریداری ءِ ودفنگ و السی کہول آ گپ وتران نا اہمیت آ زور شاغار۔ نائب وزیراعظم و وزیر خارجہ اسحاق ڈار پک مروک آ فیصلہ غاتا و نتیجہ غاتیا گچین عملدرآمد نا گرج آ زور شاغسا پارے کہ اسیجائی ورکنگ گروپ، ادارہ غاتا نیام اٹ خڑک رابطہ کاری و باقاعدہ پیشرفت نا جاچ انا کمک اٹ ہڑتوم آ ملک آتا متکن آسنگتی ءِ پبی و عملی فائدہ غاتے ٹی بدل کننگ المی ءِ۔ دیوان اٹ بنجائی وزیر توانائی، بنجائی وزیر واپار، بنجائی وزیر پٹرولیم، وزیر مملکت بنجائی تعلیم و کسبی ہیلکاری و وزیر مملکت قومی میرات و دودوربیدہ تون اوار تعلقدار وزارت و محکمہ غاتا سینئر افسر آک ہم بشخ ہلکر۔

Get real time updates directly on you device, subscribe now.

Leave A Reply

Your email address will not be published.