قلات انتظامیہ الس و ٹرانسپورٹر آتا ویل آتا ایسری کن سنجیدہ ءِ،عائشہ زہری

کل باندات آتے تین پہ تینی سلابت، کمکاری و کانود نا دنگ اٹی مرسا ایسر کننگے، ڈی سی قلات

0

Get real time updates directly on you device, subscribe now.

قلات، ڈپٹی کمشنر قلات انجینئر عائشہ زہری پارینے کہ ضلعی انتظامیہ الس و ٹرانسپورٹر آتے مون تروک ویل آتا ایسری کن پورو وڑ اٹ سنجیدہ ءِ۔ ٹرانسپورٹ نا بشخ الس ءِ سفری آسراتی تا فراوانی ٹی مخ انا حیثیت تخک، ہندا سوب آن المی ءِ کہ کل باندات آتے تین پہ تینی سلابت، کمکاری و کانود نا دنگ اٹی مرسا ایسر کننگے۔ دا ہیت ءِ او حاجی عزیز مغل نا کماشی ٹی ٹرانسپورٹر آتا اسہ نمائندہ ڈَل اسے تون تینا دفتر اٹی اوڑدہی نا وخت آ کرے۔ اوڑدہی نا وخت آ ڈَل ڈپٹی کمشنر ءِ قلات آن کوئٹہ غا چلینگوک کوسٹر آتا وخت وپاس‘ پوسکن آ روٹ پرمٹ جاری کننگ آ تینا گڑتی و ٹرانسپورٹر آتے مون تروک ایلو انتظامی و عملی ویل آتیان جم وڑ اٹ معلومدار کرے‘ دا وخت آ ڈپٹی کمشنر انجینئر عائشہ زہری ڈَل انا ویل و گڑتی تے سکوت اٹ خف تورے و اوفتے پورو باور کرفے کہ ٹرانسپورٹر آتا کل روا انگا ویل آتا ایسری کن تعلقدار محکمہ و کمامدار آتتون سلابت کننگک، و کل باندات آتے کانود و ضابطہ نا رِد اٹ زوت آن زوت ایسر کننگ کن عملی گام گیج کننگک تاکہ مسافر و ٹرانسپورٹر ہڑتوم آتے ریلیف رسینگے۔ اوڑدہی نا اخیر اٹ ڈَل اٹی اوار میر دھنی بخش لہڑی، عبدالصمد، عبدالقادر، حاجی دلمراد، حاجی صاحبداد، و سنیل کمار وایلو ٹرانسپورٹر آک ویل آتے بننگ و کمکاری نا باور کرفنگ آ ڈپٹی کمشنر قلات نا منت واری ءِ ہرفیر و دا اومیت نا درشانی ءِ کریر کہ ضلعی انتظامیہ ٹرانسپورٹ نا بشخ انا جوانی و مسافر آتا آسراتی کن گام گیج آتے برجا تخک۔

Get real time updates directly on you device, subscribe now.

Leave A Reply

Your email address will not be published.