اسسٹنٹ کمشنر صدر کوئٹہ نا ایل پی جی فلنگ اسٹیشن تا دورہ
کوئٹہ، ڈپٹی کمشنر کوئٹہ مہراللہ بادینی ناپارت آ اسسٹنٹ کمشنر صدر کوئٹہ ایل پی جی فلنگ اسٹیشن تا دورہ‘ رکھی گام گیج و سرکاری نہاد آتا جاچ ءِ ہلک‘ حوال نارد اٹ ڈپٹی کمشنر کوئٹہ مہراللہ بادینی نا پارت آ اسسٹنٹ کمشنر صدر کوئٹہ نسیم فلنگ اسٹیشن و آغا ایل پی جی فلنگ اسٹیشن نا دورہ ءِ کرے ہراڑے ایل پی جی نا نہاد‘ رکھی بست وبند‘ فائر سیفٹی ازباب‘ سلنڈر آتا ہینڈلنگ وایلو باندات آتا جم جاچ ءِ ہلنگا‘ دا وخت آ ہڑتوم آ اسٹیشن تا انتظامیہ ءِ پارت کننگا کہ پک کروک رکھی اصول آتیا سختی اٹ عملدرآمد، سرکاری نہاد نا پابندی و صارف آتیان زیات نہاد ہلپننگ ءِ پک کننگے۔ اسسٹنٹ کمشنر پیدوار کرے کہ الس نا رکھ و صارف آتا حق آتا رکھ اکن جاچ ہلنگ نا ریسہ برجا سلک۔