دیر انا انصاف اٹ بشخنگ ءِ امر کہ مرے پک کننگے، وریندر لعل
نصیرآباد، ڈپٹی کمشنر نصیرآباد وریندر لعل نا کماشی ٹی ایریگیشن افسر آتا اہم ءُ دیوان اس اڈ ہلک ہراٹی چیف انجینئر ایریگیشن قربان علی جتوئی، سپرنٹنڈنگ انجینئر مدثر ظفر کھوسہ تون اوار تعلقدار محکمہ نا ایلو افسر آک بشخ ہلکر۔ دیوان اٹ ربیع کینال آ جوڑ کانود آن چَپ کنکشن آتا برخلاف کروک کارروائی، کشاری دیر انا بے انصافی اٹ بشخنگ و دیر دُزی نا توننگ نا رد اٹ جم بریفنگ تننگا۔ دیوان آن تران کرسا ڈپٹی کمشنر وریندر لعل پارے کہ کشاری دیر اہم ءُ قومی و زرگزرانی مڈی اسےِ و اونا انصاف اٹ بشخنگ ءِ امر کہ مرے پک کننگے۔ اسہ بندغ، کشارگر یا زمیندار اسے دا موکل تننگپک کہ او تینا پک کروک بشخ آن زیات دیر کانود آن چَپ وڑ اٹ دوئی کے یا ایلو کشارگر آتا حق آ داڑیلی کے۔