جانجوڑی نا گچین آسراتی تا بابت ہچءُ ڈیوالئی اس سگپنہ،صلاح الدین نورزئی

وزیراعلیٰ بلوچستان و چیف سیکرٹری نا خصوصی گام گیج آتا بھرم آک الس اسکان رسینگ نا بناءِ کرینو

0

Get real time updates directly on you device, subscribe now.

نصیرآباد، کمشنر نصیرآباد ڈویژن صلاح الدین نورزئی پارینے کہ وزیراعلیٰ بلوچستان میر سرفراز بگٹی و چیف سیکرٹری بلوچستان شکیل قادر خان نا خصوصی گام گیج آتا بھرم آک الس اسکان رسینگ نا بنا کرینو، صوبائی حکومت جانجوڑی تون اوار کل اہم بشخ آتیٹی گچینی‘ روزگار نا وارخواہی تا ودی کننگ و الس ءِ بنداوی آسراتی تا فراوانی کن عملی گام گیج کننگ اٹی ءِ، نصیرآباد ڈویژن اٹی محکمہ جانجوڑی نارد اٹ 36 اسامی تیا 25 میڈیکل آفیسر، 7 لیڈی میڈیکل آفیسر و 4 اسٹاف نرسز نا تعیناتی نا پرمان جاری کننگ ہندا ریسہ نا اہم ءُ پیشرفت اسے، دا تعیناتی تیان نئے بیرہ ڈویژن اٹی ڈاکٹر و طبی کارندہ غاتا کمتی ءِ ایسر کننگ اٹی کمک رسینگک بلکہ الس ءِ اوفتا درگہ غا گچین و آب اٹو طبی آسراتی تا فراوانی ہم پک مریک‘ دا خیال آتا درشانی ءِ او میڈیکل آفیسر، لیڈی میڈیکل آفیسر و اسٹاف نرسز تیٹی تعیناتی نا آرڈرز بشخ وپانٹ کننگ ناوخت آ کرے‘ داوخت آ ڈویژنل ڈائریکٹر ہیلتھ ڈاکٹر عبدالقادر کھوسہ ہم ساڑی ئس۔ کمشنر صلاح الدین نورزئی تعیناتی نا آرڈر ہلوک ڈاکٹر و طبی کارندہ غاتے پارت کرے کہ او تینا تعیناتی نا جاگہ غا حاضری ءِ پک کرسا پورو زمواری، است خواہی و کسبی جوزہ اٹ زمواری سرایتر‘ انتئے کہ حکومت نا مسخت بیرہ اسامی تیا بھرتی کننگ آخا بلکہ اوفتا بھرم آتے لس بندغ اسکان سر کننگ و سرکاری ہسپتال آتیٹی درمان نا آسراتی تے بھرمی جوڑ کننگ ءِ۔ او پارے کہ الس ءِ جانجوڑی نا گچین آسراتی تا فراوانی ٹی ہچ وڑ انا ڈیوالئی و بے پرواہی سگنگ مفک۔

Get real time updates directly on you device, subscribe now.

Leave A Reply

Your email address will not be published.