ڈٹ آتا آب، شفافیت و ترندی آ ہچ ءُ سمجھوتہ اس کننگپ،صادق عمرانی

آبی وسیلہ غاتا گچین کاریم اٹ اتنگ، کشاری گرج آتا رد اٹ دیر انا فراوانی، و دیر بشخنگ ءِ پک کننگک

0

Get real time updates directly on you device, subscribe now.

کوئٹہ، صوبائی وزیر آبپاشی میر صادق عمرانی نا کماشی ٹی محکمہ آبپاشی نا جم کارکڑد، برجا شونداری ڈٹ و آخبت نا لائحہ عمل نا جاچ ہلنگ نا بابت دیوان اس اڈ ہلک۔ دیوان اٹی سیکرٹری آبپاشی سہیل الرحمن بلوچ تون اوار محکمہ آبپاشی نا بڑزکو کمامدار و تعلقدار افسرآک بشخ ہلکر۔ دیوان نا وخت آ محکمہ آبپاشی نا برجا شونداری ڈٹ آتیا پیشرفت، عملدرآمد نا ترندی‘ مون تروک ویل و اوفتا بھرمی ایسری نا بابت جم سجفنگا‘ داوخت آ صوبائی وزیر میر صادق عمرانی پارت کرے کہ کل شونداری ڈٹ آتے پک وخت اٹ پورو کننگ کن عملی گام گیج کننگے و ڈٹ آتا آب‘ شفافیت و ترندی آ ہچ وڑ انا سمجھوتہ کننگپ۔ دیوان اٹی آبپاشی نا نظام ءِ پین بھرمی و پوسکنوڑ کننگ، آبی وسیلہ غاتا گچین کاریم اٹ اتنگ، کشاری گرج اتا رِد اٹ دیر انا فراوانی و دیر انا انصاف اٹ بشخ وپانٹ ءِ پک کننگ نا اہمیت آ ہم گپ وتران کننگا‘ صوبائی وزیر میر صادق عمرانی دا ارادگی نا درشانی ءِ کرے کہ محکمہ آبپاشی نا کارکڑد اٹی پین جوانی اتسا برجا شونداری ڈٹ آتا وخت آ پوروی ءِ پکے کننگک تاکہ صوبہ ٹی کشاری شونداری، آبی وسیلہ غاتا بھرمی انتظام و السی شونہالی نا مسخت آتے دوئی کننگ مرے۔

Get real time updates directly on you device, subscribe now.

Leave A Reply

Your email address will not be published.