اقتصادی کمکار تنظیم نا کمامدار آتا دیوان،ای سی او سلاہ ئی دستاویز آتیا امنائی ودی کننگ نا وارخواہی فراوان کیک

سینئر کمامدارآک اسلام آباد اٹی اڈ ہلوک ای سی او نا وزراء کونسل نا 30 می دیوان نا ایجنڈا و تیاری تیا سجفیر

0

Get real time updates directly on you device, subscribe now.

اسلام آباد، اقتصادی کمکار تنظیم (ای سی او) نا سینئر کمامدار آتا دیوان اسلام آباد اٹی اڈ ہلک ہرانا کماشی ءِ سیکرٹری خارجہ ایمبیسیڈر عاصم افتخار احمد کرے، دیوان اٹی ای سی او نا باسک ملک آتا سینئر کمامدار، ای سی او سیکرٹریٹ نا نمائندہ و ای سی او نا خصوصی ادارہ و علاقائی تنظیم آتا مندوب آک بشخ ہلکر۔ سینئر کمامدارآک اسلام آباد اٹی اڈ ہلوک اقتصادی کمکار تنظیم (ای سی او) نا وزراء کونسل نا 30 می دیوان نا ایجنڈا و تیاری تیا سرجمی اٹ سجفیر۔ دیوان اٹی وزراء کونسل کن ایجنڈا و سلاہ ئی اسلام آباد اعلامیہ ءِ گڈیکو دروشم تننگا۔ دیوان اٹی سال اٹی ای سی او سیکرٹریٹ نا کنڈآن سرتروک آ سرجزآتا ہم جاچ ءِ ہلنگا ہرافتے ٹی تنظیم نا برجاپروگرام و گام گیج آتا بابت رپورٹ، چندی بشخ آتے ٹی وزارتی دیوان تا نتیجہ و ذیلی ادارہ و خصوصی ادارہ غاتا کارکڑد اوار ئس۔ بشخ ہلوک آک تنظیم نا انتظامی و مالی باندات نا بارواٹی ہم گپ وتران کریر و اونا کارکڑد ءِ پین گچین جوڑ کننگ نا وڑوڈول تیا سجفیر۔ ای سی او سینئر کمامدارآتا دیوان وزراء کونسل کن اہم سلابتی و تیاری نا فورم ءِ ہرا باسک ملک آتے پیشرفت نا جاچ ءِ ہلنگ، تین پہ تینی است خواہی نا باندات آ گپ وتران کننگ و وزارتی کہول انا دیوان آن مست سلاہ و سلاہ ئی دستاویز آتیا امنائی سلاہ ودی کننگ نا وارخواہی فراوان کیک۔

Get real time updates directly on you device, subscribe now.

Leave A Reply

Your email address will not be published.