مستونگ جلہو نا بے سہب کننگ ستا کڑزک، نوابزادہ امیر حمزہ زہری
Get real time updates directly on you device, subscribe now.
کوئٹہ، صوبائی سلاہکار بلدیات و خلقی شونداری نوابزادہ امیر حمزہ خان زہری مستونگ اٹی قومی شاہراہ این 25 آ کنڈوا پوسٹ انا خڑک آ بارود آن پر گاڈی نا کمک اٹ دہشت گردی نا بھلا کوشست ءِ بے سہب کننگ آ سیکورٹی فورس آتے خراجِ تحسین پیش کرینے۔ تینا بیان اٹی صوبائی سلاہکار بلدیات نوابزادہ امیر حمزہ زہری پارے کہ سیکورٹی فورس آک وخت آ و بھرمی ورندی کارروائی کرسا دہشتگرد آتا ناپاک ارادہ آتے بے سہب کریر۔ او دہشت گرد جلہو اٹی اِرا شاری نا شہادت و سیکورٹی کارندہ غاتا ٹھپی مننگ آ ڈکھ و ارمان نا درشانی ءِ کرسا پارے کہ شہید آتا پدخاہوت نا غم اٹی بریبر نا شریدار اُن۔ او پارے کہ دہشت گردی نا برخلاف جنگ اٹی سیکورٹی فورس آتا کسبی لائخی‘ جیرت و قربانیک ستا کڑزرہ۔ صوبائی سلاہکار نوابزادہ امیر حمزہ زہری پارے کہ الس نا جان و مال انا رکھ حکومت نا اولیکو زمواری ءِ، صوبہ نا امن، شونداری و شونہالی نا برخلاف اسہ سازش اسے ہم سرسہب مننگ کن النگپک۔