بلوچستان اسمبلی، سرداری نظام نا چٹفنگ نا بابت قرارداد پیش
Get real time updates directly on you device, subscribe now.
کوئٹہ، بلوچستان صوبائی اسمبلی نا دیوان اٹی صوبہ غان سرداری نظام نا چٹفنگ و دا بابت 1976ء اٹی منظور کروک کانود آ بھرمی عملدرآمد ءِ پک کننگ کن اسہ قرارداد اس پیش کننگانے۔ حوال نارد اٹ صوبائی اسمبلی نا باسک مولانا ہدایت الرحمن بلوچ نا کنڈ آن ایوان اٹی پیش کروک آ قرارداد نا متن اٹی پاننگانے کہ سرداری نظام نا چٹفنگ نا کانود 1976ء اٹی منظور کننگاسس، ولے بلوچستان نا منہ علاقہ غاتیٹی اینو ہم دا نظام ارے ہرانا رد اٹ کانود آن چَپ واکداری‘ زور اٹ کاریم کرفنگ و استحصالی رد و ریسہ برجاءِ۔ قرارداد اٹی موقف تینائی کننگانے کہ سرداری نظام انسانی آجوئی‘ عزتِ نفس و آئین اٹی تروک آ بنداوی حق آتیان اسُل چَپ ءِ وخت اس کہ دا نظام نا اڑاند آتا سوب آن لس شاری تے انصاف، تعلیم، جانجوڑی و زند انا ایلو بنداوی آسراتی تسکان رسینگ گیگ اٹی بھاز خواری مون تروئی تمنگ اٹی ءِ۔