ایس پی دکی محمد یونس رضا نا کماشی ٹی ایس پی آفس دکی ٹی اہم دیوان
Get real time updates directly on you device, subscribe now.
دکی، ایس پی دکی محمد یونس رضا نا کماشی ٹی ایس پی آفس دکی ٹی اسہ اہم ءُ دیوان اس اڈ ہلک، ہراٹی اسسٹنٹ کمشنر دکی محمد اکرم حریفال، انجمن تاجران نا نمائندہ و ٹرانسپورٹر آتا عہدیدار آک بشخ ہلکر۔ دیوان اٹی شار اٹ ٹریفک نا روانی ءِ برجا تخنگ، وزنی گاڈی تا ہن وبر آ رکھ‘ سیکورٹی بست وبند آتے بھرمی جوڑ کننگ و واپاری سرجز آتا شون تننگ تون اوار اہم باندات آتا جم جاچ ءِ ہلنگا۔ دا وخت آ شریدار آک شار اٹی ٹریفک نا ودوک آ ویل آتا ایسری، شاری تے ہن وبر اٹی مون تروک ویل آتا چٹفنگ و پوریاگر تپہ ءِ گچین چاگڑد فراوان کننگ نا رد اٹ چندی سلاہ تے پیش کریر۔ دیوان اٹی دا ہیت آ امنا مس کہ شار انا ٹریفک نظام ءِ منظم جوڑ کننگ و وزنی گاڈی تا بے گرج ہن وبر ءِ توننگ کن تین پہ تینی سلابت اٹ بھرمی حکمت عملی تینائی کننگک۔