ارٹمیکو آل بلوچستان اقبال شناسی سیشن،گورنربلوچستان مہمان خاص ئس

کوئٹہ، ڈائریکٹوریٹ آف کلچر، محکمہ ربیدہ و سیل سوات حکومت بلوچستان نا کنڈآن و خانہ فرہنگ اسلامی جمہوریہ ایران، کوئٹہ نا اسیجائی کمکاری اٹ میر نوری نصیر خان کمپلیکس اٹی ارٹمیکو آل بلوچستان اقبال شناسی سیشن و سیمینار اڈ ہلک۔ دود انا خاص انگا مہمان گورنر بلوچستان شیخ جعفر خان مندوخیل ئس، وخت اس کہ ایلو مہمان تے ٹی قومی اسمبلی نا باسک اختر بی بی، سیکرٹری دود ربیدہ و سیل سوات بلوچستان حمیداللہ ناصر، ڈائریکٹر کلچر داؤد ترین و کلچرل اتاشی و ڈائریکٹر خانہ فرہنگ ایران سید ابوالحسن میری تون اوار دانشور، شاعر، استاد و طالب علم آتا بھلو کچ اس بشخ ہلک۔ دیوان آن تران کرسا گورنر بلوچستان شیخ جعفر خان مندوخیل ڈائریکٹوریٹ آف کلچر و خانہ فرہنگ ایران نا دا اسیجائی گام اناستاءِ کرے و اقبال نا فکر آتے ورنا چین اٹی تالان کننگ آ زور شاغا۔