چیف جسٹس نا کماشی ٹی ویمن فیسیلی ٹیشن سینٹر ٹہیفنگ نا بابت دیوان

اسلام آباد، چیف جسٹس آف پاکستان جسٹس یحییٰ آفریدی نا کماشی ٹی مچ آ ملک اٹی ویمن فیسیلیٹیشن سینٹر جوڑ کننگ نارد اٹ اہم ءُ دیوان اس اڈ ہلک۔ چیف جسٹس آف پاکستان چیئرمین لا اینڈ جسٹس کمیشن آف پاکستان نا وڑ اٹ دیوان نا کماشی ءِ کرے‘ دیوان اٹی چارو صوبہ غاتیٹی ویمن فیسیلیٹیشن سینٹر جوڑ کننگ نارد اٹ پیشرفت نا جاچ ءِ ہلنگا۔ اولیکو ریسہ ٹی ہرچار آ صوبہ غاتیٹی اسہ اسہ ویمن فیسیلیٹیشن سینٹر جوڑ کننگک۔ ویمن فیسیلیٹیشن سینٹر آتا مسخت زالبول سوالی تے رکھوک، شرفمند ورسینگ گیگ چاگڑد اٹی راہشونی و کمک فراوان کننگ ءِ۔ دیوان اٹی رجسٹرار سپریم کورٹ، سیکرٹری لا اینڈ جسٹس کمیشن کیپٹن (ر) مشتاق احمد و رجسٹرار بلوچستان ہائی کورٹ ناصر خان بشخ ہلک۔ انسٹیٹیوٹ آف آرکیٹیکٹس پاکستان نا مسکوہی چیئرپرسن رویدہ حمایت و تعلقدار کمیٹی تا باسک آک ہم دیوان اٹی ساڑی ئسر۔