ڈپٹی کمشنر نصیرآباد وریندر لعل نا کماشی ٹی ریونیو افسر آتا دیوان

نصیرآباد، ڈپٹی کمشنر نصیرآباد وریندر لعل نا کماشی ٹی ریونیو افسر آتا اسہ اہم ءُ دیوان اس اڈ ہلک ہراٹی سرکاری زرتس آتا ہلنگ‘ خاص وڑ اٹ عشر، آبیانہ و کشاری انکم ٹیکس نا ہلنگ نا پک ہدف نا جم جاچ ءِ ہلنگا۔ دیوان اٹی تعلقدار ریونیو افسر آک ڈپٹی کمشنر ءِ داسکان مروک آ زرتس‘ وام تا حالیت و پک ہدف آتا دوئی کننگ تون تعلقدار جم بریفنگ تسر۔ دیوان آن تران کرسا ڈپٹی کمشنر وریندر لعل پارے کہ حکومت نا کل زرتس آتا وخت آ و پورو ہلنگ نا ریونیو افسر آتا بنداوی زمواری ءِ، ہندا سوب آن دا عمل ءِ پین بھرمی و ترند جوڑ کننگے۔ او پارت کرے کہ عشر، آبیانہ و کشاری انکم ٹیکس نا ہلنگ کن جم حکمت عملی ٹہیفنگے و ہرا علاقہ غاتیٹی سرکاری زرتس آتا ہلنگ سست روی نا گواچی ءِ ہموڑے ترند گام گیج کننگے۔