چیف آفیسر میونسپل کمیٹی لورالائی تون میر نصیب اللہ خان مری نا اوڑدہی

لورالائی، چیف آفیسر میونسپل کمیٹی لورالائی محب اللہ خان بلوچ، مسکوہی صوبائی وزیر میر نصیب اللہ خان مری و ڈسٹرکٹ چیئرمین میر نثار احمد خان مری اوڑدہی کریر‘ ہراٹی ضلع لورالائی و کوہلو ٹی شاری شونداری، سفائی میونسپل سروسز نا جوانی و الس ءِ بنداوی آسراتی تا فراوانی تون تعلقدار باندات آتیا گپ وتران کننگا۔ داوخت آ ہیت وگپ کرسا او پاریر کہ ہڑتوم آ ضلع غاتیٹی شاری زیبائی و السی آسراتی تا جوانی کن میونسپل کمیٹی نا بست وبند اٹ کیہی شونداری اسکیم تیا کاریم برجا ءِ۔ دا ڈٹ آتیٹی محلہ و گلی تیٹی دیر انا کشنگ کن نالی تا جوڑ کننگ و جوڑجاڑ، ٹف ٹائل خلنگ‘ کسر تا جوانی، مارکیٹ آتا تفنگ و بحالی و سفائی نا نظام ءِ بھرمی جوڑ کننگ کون آ اہم گام گیج آک اوار ءُ۔