ایم پی اے کوہلو نواب جنگیز خان مری نا منجھرہ ٹی سم کاری نا مذمت

کوہلو، ایم پی اے کوہلو نواب جنگیز خان مری ضلع کوہلو نا علاقہ منجھرہ ٹی سم کاری نا است ہسون واقعہ نا سخت انگا لوز آتے ٹی مذمت ءِ کرسا اِرا کودک آ چنا تون اوار مسہ بندغ نا ٹھپی مننگ آ سخت ڈکھ و ارمان نا درشانی ءِ کرینے۔ او پارے کہ دو خورک شاری و خاص وڑ اٹ کودک آ چناتے سم کاری اٹ شست کننگ بھاز است ہسون و مذمت نا قابل کاریم اسے۔ دا وڑ انا واقعہ غتیان علاقہ نا امن شاری تا رکھ آ خطرہ غاک ودی مریرہ۔ نواب جنگیز مری کانود نافذ کروک ادارہ غاتیان خواست کرے کہ واقعہ نا زموار آتا دمدستی نشاندہی کرسا اوفتے دزگیر کننگے و کانود نا رِد اٹ سخت کارروائی کننگے تاکہ دا وڑ انا واقعہ غاتا توننگ ءِ پک کننگ مرے۔