ایران امریکہ تون مذاکرات ءِ برجا تخنگ خواہک، ٹرمپ

واشنگٹن، امریکی صدر ڈونلڈ ٹرمپ پارینے کہ ایران امریکہ تون مذاکرات برجا تخنگ خواہک، ہیت و گپ نا ریسہ برجا ءِ و امریکہ تون مذاکرات کن وخت ارے۔ وائٹ ہاؤس اٹی صحافی تتون ہیت وگپ تران کرسا ڈونلڈ ٹرمپ آن تہران تون مذاکرات نا بابت سوج کننگا تو او پارے کہ ہیت و گپ مننگ اٹی ءِ، ایران مذاکرات کننگ خواہک و پدریسہ رابطہ اٹی ءِ۔ ٹرمپ پارے کہ ایران تون جنگ روایتی وڑ انا جنگ اس اف، ایران نا جوہری سلہہ نا چٹفنگ کن بھاز زیات زر خڑچ کرین و دا مسخت دوئی کننگانے۔ امریکی صدر دا ہم پارے کہ ایران جنگ آ امریکی ٹیکس تروک آتا زیات زر خڑچ مفننگ اٹی ءِ۔