بھارتی تنقید مکہ دفاعی معاہدہ نا اہمیت ءِ کم کننگ کپک، ترک وزیر خارجہ

استنبول، ترکیہ نا وزیر خارجہ حاقان فیدان پارینے کہ مکہ دفاعی معاہدہ نا برخلاف بھارتی ذرائع ابلاغ نا مہم دا سیوت تون تعلقدار نئی دہلی نا گڑتی تا درشانی ءِ کیک۔ ترک ٹی وی چینل ءِ انٹرویو ترسا ترکیہ نا وزیر خارجہ حاقان فیدان پارے کہ پاکستان، ترکیہ و سعودی عرب نا نیام اٹی اسٹریٹجک کمکاری نا ودوک آ گمانک بھارت ءِ بے چیٹ کرینو۔ حاقان فیدان پارے کہ بھارت مکہ دفاعی سیوت ءِ تنقید و غلط معلومداری نا کمک اٹ نزور کننگ کپک، پاکستان، ترکیہ و سعودی عرب نا نیام اٹی کمکاری اسہ اہم ءُ اسٹریٹجک پیشرفت اسے، ہرانا زہمک وخت آ مون آ بریرہ‘ او مستی پارے کہ بھارت دا سیوت آ تنقید تو کننگ کیک، ولے اونا اسٹریٹجک اہمیت ءِ گوجالنگ کپک۔