یو ایم ٹی لاہور نا بلوچستان کن 10 کروڑ روپئی نا اسکالرشپ نا پڑو
Get real time updates directly on you device, subscribe now.
یونیورسٹی آف مینجمنٹ اینڈ ٹیکنالوجی (یو ایم ٹی) لاہور بلوچستان نا ورناتے بڑزکو تعلیم و پوسکنوڑ ہیلکاری نا وارخواہیک فراوان کننگ کن 10 کروڑ روپئی نا اسکالرشپ تننگ نا پڑو کرینے، وخت اس کہ کوئٹہ ٹی طالب علم آتیکن اسٹڈی سنٹر و خصوصی ہیلکاری ہند ہم جوڑ کننگک‘ دا پڑو تے یو ایم ٹی لاہور نا چیئرمینو صدر ابراہیم حسن مراد شنبے نا دے یونیورسٹی نا کانووکیشن نا وخت آ وزیراعلیٰ بلوچستان میر سرفراز بگٹی نا درخواست آ کرے۔ دا وخت آ وزیراعلیٰ بلوچستان میر سرفراز بگٹی بلوچستان نا ورنا تے آب اٹو بڑزکو تعلیم اسکان رسینگ گیگ تننگ و اوفتا کسبی واکداری ءِ ودفنگ کن تعلیمی ادارہ غاتا کمکاری نا اہمیت آ زور شاغا۔