ایران نا سلہہ بند فوج ءِ نسخان رسیفوک آتے دب اس ایتنہ، ایرانی وزیر خارجہ

تہران، ایرانی وزیر خارجہ عباس عراقچی جرمن چانسلر فریڈرک مرز آ تنقید کرسا پارینے کہ ایران نا سلہہ بند فوج ءِ نسخان رسیفوک آتے بھلو دب اس ایتنہر۔ ایرانی وزیر خارجہ عباس عراقچی پارے کہ ایران آ امریکہ و اسرائیل نا بمباری بنا مس تو فریڈرک مرز اونا مخ تفی ءِ کرے، جرمن چانسلر منافقت اٹ کاریم سر ترسا کرینے۔ او پارے کہ ایرانی نسخان نا مون آ یورپ نا 100 ارب یورو نا زرگزرانی نسخان ہچ ءُ اہمیت اس تخپک، ریڈ لائنز نا دور داسہ مستین نا کسہ اس جوڑ مسنے۔ جرمن چانسلر فریڈرک مرز ایران آ گمانی پوسکن آ امریکی جلہو تیاں تعلقدار ہیت آتا وخت آ جنگ انا سفارتی ایسری آ زور شاغسا پارے کہ ای بیرہ کل فریق آتیان دا خواست کننگ کیوہ کہ او دا ہیت ءِ امنا کیر کہ دا جھیڑہ نا ہچ ءُ عسکری ایسری اس اف۔