پاکستان جہانی حلال مارکیٹ اٹی اہم ءُ ہند اس دوئی کننگ کیک، خالد مگسی

اسلام آباد، بنجائی وزیر برائے سائنس و ٹیکنالوجی خالد حسین مگسی پارینے کہ پاکستان اٹی اولیکو حلال فورم نا بست وبند ستا کڑزوک گام اسے، حلال انڈسٹری داسہ جہانی زرگزران نا اہم ءُ بشخ اس دوئی کرینے‘ پاکستان تون جہانی حلال مارکیٹ اٹی نمان ہند دوئی کننگ نا پبی بود ارے۔ اولیکو پاکستان حلال فورم آن تران کرسا بنجائی وزیر پارے کہ پاکستان اٹی حلال مصنوعات آتا پیداوار و برآمد ءِ ودفنگ نا وارخواہی اریر‘ دا بشخ انا شون تننگ کن سائنس، ٹیکنالوجی و پوسکنوڑ پٹ وپول ءِ کاریم اٹ اتنگ المی ءِ۔ خالد حسین مگسی پارے کہ پاکستان حلال اتھارٹی ملک اٹی حلال مصنوعات نا بابت قومی ریگولیٹری ادارہ نا حیثیت تخک۔ حکومت حلال مصنوعات نا آب ءِ گچین کننگ و سرٹیفکیشن نا نظام ءِ پین گچین کننگ کن گام گیج کیک۔