انجینئر عائشہ زہری نا ڈپٹی کمشنر قلات نا وڑ اٹ تعیناتی آن پد السی ویل آتا ایسری کن انقلابی گام گیج آتا ریسہ برجاءِ
Get real time updates directly on you device, subscribe now.
قلات، انجینئر عائشہ زہری نا ڈپٹی کمشنر قلات نا وڑ اٹ تعیناتی آن پد السی ویل آتا ایسری کن انقلابی گام گیج آتا ریسہ برجاءِ‘ زالبول سوالیک داسہ بیدس خلیس آن انتظامی افسر آتا دفتر تیا بننگ اٹی ءُ، ہراڑے ڈپٹی کمشنر اوفتا درخواست آتیا دمدستی کارروائی کرسا المی پرمان آتے جاری کننگ اٹی ءِ‘ تدوک آ دے خالق آباد نا زالبول تیکن اڈ ہلوک غاو دیوان وزیراعلیٰ بلوچستان نا گچین سرکڑدہی و چیف سیکرٹری بلوچستان نا گچین حکمرانی نا ڈیک ءِ‘ انتظامیہ نا دا سخت اٹ کروک کوشست آ الس حکومت آن است جم ءِ و منتواری نا درشانی ءِ کننگ اٹی ءِ۔ ڈپٹی کمشنر قلات پارینے کہ انتظامی و سرکاری محکمہ غاتا افسرآک الس ءِ سروسز ڈیلیوری پک کیر تاکہ انتظامیہ السی ویل آتا ایسری نا کنڈ آ گچین گام گیج آتے برجا تخنگ کیر۔