نائب وزیراعظم نا کنوئی گڑا تا برآمد اٹی اڑاند آتے چٹفنگ نا پارت
Get real time updates directly on you device, subscribe now.
اسلام آباد، نائب وزیراعظم و وزیر خارجہ سینیٹر محمد اسحاق ڈار تعلقدار کمامدارآتے کنوئی آ گڑاتا پیداوار نا برآمد اٹی بروک آ اڑاند آتے چٹفنگ و واپار اٹ آسراتی فراوان کننگ کن عملی گام گیج نا پارت کرینے۔ ترجمان دفتر خارجہ نا بیان نا رداٹ نائب وزیراعظم نا کماشی ٹی المی کنوئی آ گڑاتا برآمد آتا جاچ ءِ ہلنگ کن جوڑ کمیٹی نا دیوان مس ہراٹی ملکی رسد و خواست‘ مارکیٹ نا ساڑی آ حالیت و جہانی منڈی تسکان رسینگ نا وارخواہی تا جاچ ءِ ہلنگا۔ دیوان اٹ دا ہیت آ چکار کننگاکہ واپارءِ مونی دننگ تون اوار اوار ملک اٹی المی آ گڑاتا جوان دوئی و نہاد آتا سوگوی ءِ ہم پک کننگے۔ دیوان اٹ قومی غذائی رکھ و پٹ وپول وموسمیاتی بدلی نا وزیر، وزیراعظم نا خصوصی کمکار طارق باجوہ، واپارو قومی غذائی رکھ و پٹ وپول نا سیکرٹری تتون اوار بنجائی و صوبائی محکمہ غاتا سینئر کمامدارآک بشخ ہلکر۔