پاکستان ءِ دہشت گردی نا برخلاف سیوت نا گرج ءِ، زرین خان مگسی

کوئٹہ، پارلیمانی سیکرٹری کانود‘ سیل سوات و ربیدہ نوابزادہ میر محمد زرین خان مگسی تینا اسہ بیان اسے ٹی پارینے کہ پاکستان ءِ دہشت گردی نا برخلاف سیوت نا گرج ءِ، دن انگا نازرک وخت اٹی مولانا فضل الرحمن بایدے پاک فوج انا برخلاف خارتس بیان تیان پرہیز کے۔ خیبرپختونخوا ٹی پی ٹی آئی نا حکومت ءِ دہشت گردی تور نا پالیسی آ اختلاف مون تروک ئس‘ ولے سیاسی اختلاف آتے قومی سلامتی آ زہم شاغنگ کن النگپ۔ او پارے کہ پاک فوج ملک اٹی امن و سوگوی کن بھا قربانی تننگ اٹی ءِ، ہرافتا شرف کننگ ننا کل انا قومی زمواری ءِ۔ قومی سلامتی کون آ حساس باندات آتے ٹی سیاسی پوائنٹ اسکورنگ نا جاگہ غا سیوت، یکجہتی نا درشانی کننگے۔ نوابزادہ میر محمد زرین خان مگسی مستی پارے کہ اختلاف جمہوریت نا زیبائی ءِ۔