سرکاری حج اسکیم نا زرتس آتا ارٹمیکو قسط ءِ 20 اکتوبر اسکان تننگ نا پارت

اسلام آباد، وزارت مذہبی باندات نا ترجمان پارینے کہ سرکاری حج اسکیم نا حج زرتس آتا ارٹمیکو قسط انا تننگ اٹ اسہ دے اس پین سلیسنے‘ ہنداسوب آن 20 اکتوبر اسکان المی پورو کیر۔ دوشنبے نا دے آاسہ بیان اسے ٹی ترجمان مذہبی باندات پارینے کہ زرتس آتا تننگ کن نیشنل آئی ٹی بورڈ انا حج پورٹل یا پاک حج ایپ ءِ کاریم اٹ اتیر۔ پورٹل آ زرتننگ بینک کارڈ، ون لنک یامینول بینک چالان نا کمک اٹ کننگ مریک۔ حج درخواست نا منسوخی آن بچنگ کن زرتس آتے وخت آ جمع کرفر۔ حج پورٹل آ ساڑی میڈیکل فٹنس سرٹیفکیٹ ڈاون لوڈ کرسا ڈاکٹر آن پک کرفنگ المی ءِ۔ او پارے کہ پک کروک آ میڈیکل فٹنس سرٹیفکیٹ حج پورٹل آ اپلوڈ کننگ المی ءِ۔ حاجیک پوسکن آ معلومداری و پارت آتیکن پاک حج ایپ ءِ المی کاریم اٹ اتیر۔