قومی اسمبلی نا دیوان اٹی وزیر تا ساڑی مفننگ آ باسک آتا اعتراض

اسلام آباد، قومی اسمبلی نا دیوان اٹی وزیر تا ساڑی مفننگ آ باسک آک بھاز اعتراض کرسا حکومتی سنجیدگی آ سوج ہرفیر۔ پی ٹی آئی نا باسک ملک عامر ڈوگر نا کنڈ آن کورم نا نشاندہی آن پد حساب کننگا تو کورم پورو متو، ہراڑا ڈپٹی اسپیکر سید غلام مصطفی شاہ دیوان نا کارروائی ءِ کورم پورو مننگ اسکان پد بٹے۔ ڈپٹی اسپیکر سید غلام مصطفی شاہ نا کماشی ٹی قومی اسمبلی نا دیوان بنا کرے تو قومی اسمبلی نا باسک آغا رفیع اللہ وزیر تا ساڑی مفننگ آ اعتراض چست کرسا پارے کہ قوم انا پیسہ غاتے انتئے زیات کننگ انگ ءِ‘ اسہ وزیر اس ہم دا باندات ءِ سنجیدگی اٹ ہلپننگ اٹی ءِ‘ الس ننے آن سوج کیک کہ نم ایوان اٹ انت کننگ اٹی اُرے۔ دا وخت آ پی ٹی آئی نا باسک ملک عامر ڈوگر پارے کہ کرار کرار آ اوفتا ضمیر بش مننگ اٹی ءِ۔