گنداواہ واٹر سپلائی اسکیم فیز ون نا کاریمک گڈیکو ریسہ ٹی سر مسنو،ڈپٹی کمشنر جھل مگسی سید رحمت اللہ شاہ
تعلقدار افسرآک تفوئی ریسہ و پوروی نا بابت معلومداری تے پک کیر، الس اسکان فائدہ رسینگ المی ءِ، تران
Get real time updates directly on you device, subscribe now.
جھل مگسی، ڈپٹی کمشنر جھل مگسی سید رحمت اللہ شاہ ایکسین محکمہ پبلک ہیلتھ انجینئرنگ شکیل احمد انصاری و انجینئر پی ایچ ای عبدالخالق آرائین تون اوار گنداواہ واٹر سپلائی اسکیم نا رد اٹ بلوچستان اسپیشل ڈویلپمنٹ انیشی ایٹو (BSDI) فیز ون نا برجا شونداری کاریم تا دورہ ءِ کرے و ڈٹ آ مروک آ پیشرفت نا جم جاچ ءِ ہلک۔ دورہ نا وخت آ تعلقدار افسر آک ڈپٹی کمشنر ءِ ڈٹ انا جتاجتا بشخ آتیا مروک آ تفوئی کاریم و ساڑی پیشرفت نا حوالہ اٹ بریفنگ تسر بریفنگ نا رِد اٹ ڈٹ انا اہم بشخ اوور ہیڈ واٹر ٹینک نا تفنگ گڈیکو ریسہ غاتیٹی سرمسنے‘ واٹر ٹینک نا خواست کروک بڑزی و ایب کیب انا دیوال آتیٹی سریا خلنگ نا کاریم پورو کننگانے، وخت اس کہ دیوال تا پُر کننگ نا کاریم ہم پورو مسنے، ٹینکی نا چھت انا تفوئی کاریم برجا ءِ‘ ہرادے بروک آ اسہ اِرا دے اٹی پورو کننگ نا اومیت ارے‘ مستی پاننگا کہ ڈٹ انا رد اٹ دیر کوڑی کننگ نا آسراتی، پاور ہاؤس، رکھی چاردیوالی و دیررسیفنگ کن پائپ لائن تا نیٹ ورک نا تنصیب تون اوار ایلو اہم کاریمک پورو کننگانو۔ ڈپٹی کمشنر جھل مگسی ڈٹ آ مروک پیشرفت نا جاچ ءِ ہلسا تعلقدار افسرآتیان تفوئی ریسہ و پوروی نا بابت معلومداری دوئی کرے۔ گنداواہ واٹر سپلائی اسکیم نا پوروی علاقہ نا شاری تے کنوئی دیر انا فراوانی نا نظام ءِ گچین جوڑ کننگ کن اہمیت تخک یات سلے کہ BSDI فیز ون نا رد اٹ برجا دا ڈٹ گنداواہ اٹی دیر انا فراوانی نا نظام ءِ گچین جوڑ کننگ و شاری تے کنوئی دیر انا آسراتی فراوان کننگ نا رد اٹ اہم شونداری ڈٹ آتیٹی اوار ءِ۔