میرٹ و شفافیت ءِ امر کہ مرے پک کننگک، میر سلیم کھوسہ
Get real time updates directly on you device, subscribe now.
کوئٹہ، صوبائی وزیر مواصلات و تعمیرات میر سلیم احمد کھوسہ پارینے کہ محکمہ مواصلات و تعمیرات اٹی پدخاہوت کوٹہ نا رد اٹ بھرتی تا عمل پورو وڑ اٹ میرٹ، شفافیت و پک کروک قاعدہ و ضابطہ نا رِد اٹ پورو کننگک، دا رد اٹ ہچ وڑ انا سفارش، زور یا بے گرج نیام تمنگ اسُل سگنگ مفک‘ دا خیال آتا درشانی ءِ صوبائی وزیر مواصلات و تعمیرات میر سلیم احمد کھوسہ پدخاہوت کوٹہ نا رد اٹ بھرتی و اے ون روڈ انا بجٹ نا بابت اڈ ہلوک جاچ دیوان آن تران کرسا کرے۔ دا وخت آ سیکرٹری مواصلات و تعمیرات بابر خان و چیف انجینئر افسر تون اوار ایلو تعلقدار کمامدار آک ہم ساڑی ئسر۔ دیوان ءِ پدخاہوت کوٹہ نا رد اٹ بھرتی و اے ون روڈ بجٹ نا بابت جم بریفنگ تننگا۔ دا وخت آ سیکرٹری مواصلات و تعمیرات بابر خان پارے کہ بھرتی تا مچ آ عمل ءِ گچین‘ منظم و بے کنڈ ہلوک جوڑ کننگانے تاکہ اسہ اومیتدار اسے نا ہم غاو سلپ۔