چیئرمین سینیٹ نا اسکول نا چھت تمنگ آن چناتا زوال کننگ آ است ہسونی

اسلام آباد، سینٹ نا چیئرمین سید یوسف رضا گیلانی پشاور نا علاقہ دیر کالونی ٹی پرائیویٹ اسکول نا چھت انا تمنگ آن چناتاکزیت آ بھاز ڈکھیائی و است ہسونی نا درشانی ءِ کرینے۔ سینٹ سیکرٹریٹ آن جاری بیان نا رداٹ چیئرمین سید یوسف رضا گیلانی زوال مروک چناتا پدخاہوت آتتون است ہسونی و ہمدردی نا درشانی ءِ کرسا پارے کہ کودک چناتا کزیت است ہسونی ناسوب ءِ۔ او پارے کہ او دا سانحہ ٹی ڈکھیائی خاہوت آتا ڈکھیائی و غم اٹی بریبر نا شریدار ءِ۔ سید یوسف رضا گیلانی تعلقدار کمامدار آتے پارت کرے کہ شکست اٹی ٹھپی مروک چناتے گچین طبی آسراتی فراوان کننگے و اوفتا درمان اٹی ہچ ءُ کسر اس النگپ۔ چیئرمین سینٹ پارے کہ دا وڑ انا است ہسون شکست آتا توننگ کن گچین گام گیج کننگ المی ءِ، تعلقدار ادارہ غاک تعلیمی ادارہ غاتا ماڑی تارکھ ءِ پک کننگ کن گچین حکمت عملی اس تینائی کیر تانکہ آخبت اٹی دا وڑانا واقعہ غاتیان بچنگ مرے۔ او زوال مروک کوک آچناتا بخشش، خاہوت آتے کن صبرِ وجمیل و ٹھپی چناتا زوت دراخ جوڑی کن دعاہم کرے۔