گورنر بلوچستان نا اسکول نا چھت تمنگ نا واقعہ غا است ہسونی

کوئٹہ، گورنر بلوچستان جعفرخان مندوخیل خیبرپختونخوا نا صوبائی دارالحکومت پشاور اٹی اسکول نا چھت تمنگ نا است ہسون واقعہ ٹی کودک آ طالب علم آتا زوال مننگ آ سخت ڈکھ و ارمان کرینے۔ تینا ہڑزخواہی بیان اٹ گورنر بلوچستان پارے کہ کودک آ طالب علم آتا نہادی جان تا زیان اسہ بھلو است ہسون ءُ سانحہ اسے ہراڑا نن کل ارمانی اُن۔ او پارے کہ دا سخت انگا وخت اٹی او کل ڈکھیائی خاہوت آتا ڈکھ اٹی بریبر نا شریدار ءُ و زہمی خاہوت آتتون یکجہتی و ہمدردی نا درشانی ءِ کیرہ۔ گورنر مندوخیل شکست اٹ ٹھپی مروک چناتا زوت دراخ جوڑی کن دعا کرسا پارے کہ پروردگار زوال مروک چناتا پدسلوک آتے دا پورو مفروک صدمہ ءِ سگنگ نا حوصلہ و ہمت ایتے۔