ڈپٹی کمشنر وریندر لعل نا ڈسٹرکٹ جیل نصیرآباد نا دورہ
Get real time updates directly on you device, subscribe now.
نصیرآباد، ڈپٹی کمشنر نصیرآباد وریندر لعل ڈسٹرکٹ جیل نصیرآباد نا دورہ ءِ کرے، ہراڑے او بندی تے فراوان کروک بنداوی آسراتی، طبی بست وبند و مون تروک ویل آتا جاچ ءِ ہلک، سولر سسٹم نا تنصیب و طبی آسراتی تا گچینی کن گام گیج آتا باوری کرفے۔ سرجم حوال آتا رِد اٹ ڈپٹی کمشنر نصیرآباد وریندر لعل ڈسٹرکٹ جیل نصیرآباد نا دورہ ءِ کرے ہراڑے ڈسٹرکٹ سپرنٹنڈنٹ جیل محمد علی اودے بخیر کرے و جیل انا جتا بشخ آتا دورہ ءِ کرفے۔ دا وخت آ ڈپٹی کمشنر جیل اٹی بندی تے فراوان کروک بنداوی آسراتی، انتظامی باندات‘ جانجوڑی و سَفائی نا بست وبند و طبی آسراتی تا جاچ ءِ ہلک۔ دورہ ناوخت آ ڈپٹی کمشنر نرینہ و نیاڑی بندی تا وارڈ، جیل انا ڈسپنسری و ایلو تعلقدار بشخ آتا دورہ ءِ کرے۔ او بندی تتون اوڑدہی کرسا اوفتیان دوئی آسراتی و مون تروک ویل آتا بابت سوج کرے و اوفتا غاو و گرج آتابابت معلومداری دوئی کرے۔