خیبرپختونخوا ٹی ایمرجنسی پک کننگ آئینی زمواری اس اف، بیرسٹر گوہر

اسلام آباد، پاکستان تحریک انصاف نا چیئرمین بیرسٹر گوہر علی خان خیبرپختونخوا ٹی ایمرجنسی نا نفاذ و اونا پارلیمانی پک کننگ نا مخالفت ءِ کرسا پارینے کہ پارلیمنٹ نا باسک آتے آئین نا سوغند آ عملدرآمد کرسا دا گام ءِ مسترد کروئی تمک۔ او پارے کہ خیبرپختونخوا کون آ اہم انگا بنجائی اکائی ءِ دہشت گردی نا برخلاف جنگ اٹی سیاسی جھیڑہ غاتا گواچی کننگپ انتئے کہ دا وڑ انا فیصلہ غاتا ملکی و جہانی کہول آ زہم تمنگ کیک۔ پارلیمنٹ ہاؤس اٹی میڈیا تون ہیت وگپ کرسا بیرسٹر گوہر پارے کہ پارلیمنٹرین آتے تینا ضمیر نا رِد اٹ فیصلہ کروئی تمک و دا ہُننگے کہ ایمرجنسی نا پک کننگ آئینی زمواری اسے یا اودے مسترد کننگ قوم انا مون آ اوفتا فرض مریک۔