پاکستان و کینیڈا نا کشاری و واپاری بشخ اٹی کمکاری ءِ ودفنگ آ امنا
Get real time updates directly on you device, subscribe now.
پاکستان و کینیڈا نا نیام اٹی کشت وکشار و واپاری نا بشخ آتیٹی کمکاری ٹی پین ودکی کننگ نا گمان ارے‘ تاکہ اسہ ایلو نا آزموندہ غاتیان فائدہ ہرفسا غذائی سوگوی و شونداری نا دوئی کننگ ءِ پک کننگ مرے۔ دا ہیت آ امنائی کینیڈین ہائی کمیشن نا سیاسی، زرگزرانی و واپاری باندات نا کونسلر ڈینیئل ارسینالٹ و ٹریڈ کمشنر زوہیب خان نا زرعی یونیورسٹی فیصل آباد نا وائس چانسلر پروفیسر ڈاکٹر ذوالفقار علی تون دیوان ٹی مس۔ دیوان اٹی موسمیاتی بدلی تون تعلقدار کشت وکشار‘ واپاری‘ پوسکنوڑ کشت وکشار‘ ڈیری فارمنگ نا پوسکنوڑی و کنشت نا زیان اٹ کمتی نا باندات آتیا شرہ کننگا۔ ڈینیئل ارسینالٹ پارے کہ کینیڈا پاکستان ءِ کنولا نا بج فراوان کروک اہم ملک آتیٹی اوار ءِ۔