تانکہ وزیراعلیٰ نا سما تمپک، مذاکرات مفک، محمود اچکزئی

اسلام آباد، اپوزیشن لیڈر محمود خان اچکزئی قومی اسمبلی ٹی خیبرپختونخوا ٹی ایمرجنسی نا نفاذ و گورنر راج انا باندات آ حکومت آ تنقید کرسا پارینے کہ تانکہ وزیراعلیٰ نا سما تمپک، مذاکرات مفک۔ او دوبہ خلک کہ وزیراعلیٰ ءِ برمتہ کننگانے و حکومت آ زور شاغا کہ پارلیمنٹ ءِ حقی واکداری تننگے۔ او پارے کہ صوبہ نا وسیلہ غاتیا کوزہ کننگ نا ڈٹ انا مزاحمت ءِ کننگک۔ قومی اسمبلی ٹی تینا خیال آتا درشانی ءِ کرسا محمود خان اچکزئی پارے کہ ملک اٹی پارلیمنٹ ءِ شرف تننگتنے و گچین مروک نمائندہ غاتے تینا ہیت ءِ الس اسکان سر کننگ نا وارخواہی تننگپک۔ او اسپیکر ءِ پارے کہ او اودے اسپیکر امنا کپک او پارے کہ اپوزیشن نا تران تے الس اسکان سرمننگ کن النگپک۔