پاکستان نا ہائپر سونک بیلسٹک میزائل فتح 2 ودیک رینج نا سرسہب آزموندہ
Get real time updates directly on you device, subscribe now.
راولپنڈی، پاکستان ہائپر سونک بیلسٹک میزائل فتح 2 ودیک رینج انا سرسہب آزموندہ ءِ کرینے۔ صدر آصف علی زرداری، وزیراعظم شہباز شریف، چیف آف ڈیفنس فورسز فیلڈ مارشل سید عاصم منیر و سروسز چیفس فتح 2 ایکسٹینڈڈ رینج انا سرسہب آزموندہ غا سائنسدان و انجینئر آتے مبارکبادی ترسا اوفتا کارکڑد نا ستاءِ کرینو۔ آئی ایس پی آر نا رِد اٹ فتح 2 ایکسٹینڈڈ رینج پوسکن آ نیویگیشن سسٹم و پوسکنوڑ ایویانکس ٹیکنالوجی آن شپ ءِ، فتح 2 میزائل تینا یکتا پرواز، راست و کسر بدل کننگ نا لائخی تا سوب آن دشمن نا میزائل دفاعی نظام ءِ شکست تننگ نا بود تخک۔ آئی ایس پی آر نا رِد اٹ فتح 2 ای آر ہدف آتے سدھا شست کننگ نا بود تخک، فتح 2 نا ودیک رینج پاک فوج انا مُر اسکان ہدف آتے شست کننگ نا لائخی تے ٹی پین ودکی کیک۔ میزائل نا سرسہب آزموندہ نا ندارہ ءِ کمانڈر آرمی راکٹ فورس کمانڈ، پاک فوج انا سینئر افسر، سائنسدان و انجینئر آک کریر۔ کمانڈر آرمی راکٹ فورس کمانڈ فتح 2 ایکسٹینڈڈ رینج انا سرسہب آزموندہ غا ٓ سائنسدان و انجینئر آتا استخواہی و تکنیکی چاہنداری نا ستاءِ کرے۔ صدرِ مملکت، وزیراعظم، چیف آف ڈیفنس فورسز و سروسز چیفس فتح 2 ایکسٹینڈڈ رینج انا سرسہب آزموندہ غاسائنسدان و انجینئر آتے مبارکبادی تسر۔