گورنمنٹ بوائز اسکول جورکین و نوکجو نا نیام اٹ فٹبال دوستانہ میچ

مل، گورنمنٹ بوائز ہائی اسکول جورکین و گورنمنٹ بوائز ہائی اسکول نوکجو نا فٹ بال ٹیم تا نیام اٹی اسہ دوستانہ میچ اس مس‘ میچ انا اولیکو ہاف اٹی ہڑتوم آ ٹیمک گچین گوازی کریر ولے میچ انا اولیکو ہاف اٹی ہچ ءُ ٹیم اس ہم گول اسکور کننگ اٹی سرسہب مننگ کت۔ میچ انا ارٹمیکو ہاف اٹی ہائی اسکول نوکجو نا گوازی گرک جوان گوازی کرسا گڈیکو ساہت آتیٹی اِرا گول اسکور کریر۔ دا وڑ دا دوستانہ میچ بوائز ہائی اسکول نوکجو نا ٹیم صفر نا مقابلہ ٹی اِرا گول اٹی کٹا‘میچ اٹی ہڑتوم آ اسکول آتا استاد و طالب علم آتا بھلو کچ اس گراؤنڈ اٹی ساڑی ئس۔ دا وخت آ سینئر استاد آک گوازی گر تا پبی است بڈی ءِ کریر۔ استاد آک طالب علم آتے فیفا نا قاعدہ و ضابطہ، گوازی نا حکمت عملی و درست ہدف اسکان رسینگ نا ہنر ہیل تسر۔ ہیڈ ماسٹر ہائی اسکول جورکین محمد قاسم مہر ہائی اسکول نوکجو نا استاد و طالب علم آتا منتواری ءِ ہرفے کہ او وخت کشسا دا میچ اٹی بشخ ہلکر۔ (نمائندہ تلار)