بھرتی تا عمل اٹی قاعدہ و ضابطہ ءِ امر کہ مرے پک کننگک، وریندر لعل
Get real time updates directly on you device, subscribe now.
نصیرآباد، ضلع نصیرآباد اٹی بے روزگاری نا چٹفنگ و سرکاری ملازمت آتیٹی میرٹ، شفافیت و لائخی نا بنداو آ اومیتدار آتا گچین کاری نا رد و ریسہ برجا ءِ‘ دا رد اٹ محکمہ جانجوڑی ضلع نصیرآباد نا جتا جتا خالی جاگہ غاتیکن اومیتدار آتا انٹرویوک اڈ ہلکر ہرافتا کماشی ءِ چیئرمین سلیکشن کمیٹی و ڈپٹی کمشنر نصیرآباد وریندر لعل کرے۔ انٹرویو تا وخت آ محکمہ جانجوڑی ٹی نائب قاصد، چوکیدار و ڈیور نا خورک انگا جاگہ غاتیکن اومیتدار آتا خوانندگی نا کچ، آزموندہ، تعلقدار کاغد آتتون اوار لائخی نا جم جاچ ءِ ہلنگا، سلیکشن کمیٹی نا باسک آک امیدوار آتیان جتا جتا سوج کریر و پک کروک آب انا رِد اٹ اوفتا لائخی تا جاچ ءِ ہلکر۔ دا وخت آ تران کرسا ڈپٹی کمشنر نصیرآباد و چیئرمین سلیکشن کمیٹی وریندر لعل پارے کہ کل امیدوار آتے اسہ وڑ و بریبر وارخواہی فراوان کننگ انگ ءِ و بھرتی تا رد و ریسہ ٹی میرٹ، شفافیت و کانودی قاعدہ و ضابطہ غاتے امر کہ مرے پک کننگک۔