ڈپٹی کمشنر جعفرآباد خالد خان،جعفرآباد اٹی نوکاپی و ہلہلہ ئی حالیت آتیان الس ءِ بچفنگ کن پیشگی رکھی گام گیج آک برجا ءُ
Get real time updates directly on you device, subscribe now.
جعفرآباد اٹی نوکاپی و ہلہلہ ئی حالیت آتا وخت آ الس ءِ بچفنگ کن حکومت بلوچستان نا کنڈ آن پیشگی رکھی گام گیج آتا ردوریسہ برجا ءِ‘ دا رد اٹ مین حیردین ڈرینج تون اوار ایلو اہم انگا ڈرینج آتا رکھی بند آتے سوگو کننگ نا کاریم ترندی اٹ برجا ءِ۔ ڈپٹی کمشنر جعفرآباد خالد خان مین حیردین ڈرینج، جھٹ پٹ ڈرین و روجھان جمالی نا رکھی بند آتا جم دورہ ءِ کرسا برجا تفوئی و شونداری کاریم تا جاچ ءِ ہلک و ڈٹ آتیا پیشرفت نا بابت معلومداری دوئی کرے۔ او پارے کہ ضلعی انتظامیہ ہلہلہ ئی حالیت آتتون مون تننگ کن کل دوئی وسیلہ غاتے کاریم اٹ اتنگ اٹی ءِ و رکھی گام گیج آتیٹی ہچ ءُ وڑ اسے نا ڈیوالئی اسُل سگنگ مفک۔