امریکی صدر حوثی تا برخلاف کارروائی نا خواست ءِ منتو
Get real time updates directly on you device, subscribe now.
واشنگٹن، امریکی نیوز ویب سائٹ ایکسیوس دعویٰ کرینے کہ بحیرہ احمر اٹی حوثی تیان مون تروک گڑتی تا بابت سعودی ولی عہد تدوک آ دے امریکی صدر ٹرمپ تون اِرا وار ٹیلفون آ حوال کرے‘ رپورٹ نا رِد اٹ محمد بن سلمان ٹرمپ آ زور شاغا کہ او حوثی تا برخلاف کارروائی کے ولے امریکی صدر حوثی تا برخلاف کارروائی آن نمن مس۔ ایکسیوس نا رِد اٹ امریکی عسکری و سول کمامدار آک دا منہ دے اٹ سعودی ہم منصب آتتون حوال کریر وخت اس کہ امریکی سینٹرل کمانڈ نا کمانڈر ایڈمرل بریڈ کوپر ہلہلہ ئی حوال دیوان تیکن تدوک آ دے سعودی عرب آ ہنا۔ امریکی نیوز ویب سائٹ نا رِد اٹ واشنگٹن اٹی سعودی سفارت خانہ و وائٹ ہاؤس دا بابت تبصرہ کننگ آن نمن مسنے۔ یات سلے کہ منہ دے مست سعودی عرب اٹی یمن نا حوثی جماعت انصاراللہ جلہو کریسس ہراٹی 73 بندغ ٹھپی مسوسر ہرافتیٹی چنا و نیاڑیک ہم اوار ئسر۔