چاغی، نا درست بندغ آتا سم کاری، ملک کریم داد محمد حسنی زوال
Get real time updates directly on you device, subscribe now.
چاغی ٹی نا درست بندغ آتا سم کاری آن قبائلی سرکڑدہ ملک کریم داد محمد حسنی زوال مس۔ پولیس نا رِداٹ چاغی بازار اٹی نا درست سلہہ بند آ بندغ آتا سم کاری آن بزرگ و قبائلی شخصیت ملک کریم داد محمد حسنی زوال مسنے۔ پولیس نا رِداٹ ملک کریم داد محمد حسنی چاغی بازار نا اسہ دکان اسے ٹی تولوک ئس کہ 4 نا درست سلہہ بند بندغ اوڑا سم کاری کریر، ہرا نا سوب آن او جاگہ غا زوال مس۔ پولیس نا پاننگ ءِ کہ دوبہ دار آک واردات آن پد جاگہ غان نرّانو۔ واقعہ نا حوال ملنگ تون ایس ایچ او چاغی ہند آ سرمس و شاہدی مچ کننگ نا کاریم ءِ بنا کرے۔ پولیس نا کنڈ آن واقعہ نا مستی جاست پاست برجا ءِ وخت اس کہ دوبہ دار آتا پٹ و پول بنا کننگانے۔ چاغی (نامہ نگار)