GGHSS چتکان نا مسڑ طالب علم آتا مکران یونیورسٹی نا دورہ
Get real time updates directly on you device, subscribe now.
پنجگور گورنمنٹ گرلز ہائر سیکنڈری اسکول (GGHSS) چتکان نا دہم کلاس نا مسڑ طالب علم آک تعلیمی دورہ نا رد اٹ مکران یونیورسٹی نا دورہ ءِ کریر۔ دا دورہ نا مسخت مسڑ طالب علم آتے بڑزکو کہولی تعلیم، یونیورسٹی نا بشخ و پوسکنوڑ آسراتی تیان معلومدار کننگ ئس۔ طالب علم آک کتب خانہ (لائبریری)، کمپیوٹر و بوٹنی لیب و آڈیٹوریم نا ہم جاچ ءِ ہلکر۔ دا وخت آ وائس چانسلر پروفیسر ڈاکٹر میر صدات بلوچ طالب آتیان تران کرسا پارے کہ تعلیمی دورہ غاک آخبت نا ہدف آتے پک کننگ اٹی کمک فرادان کیرہ۔ او طلب علم آتے سخت خواری کننگ و پوسکنوڑ آ علم آن فائدہ ہرفنگ نا پارت کرے، وائس چانسلر “ذہنی دباؤ، ڈپریشن و سوشل میڈیا نا جال” انا سرحال آ گپ وتران کرسا پارے کہ طالب علم آک تینا ذہنی صحت نا خاص خیال تخر۔ ویل انا وخت آ استاد و لمہ باوہ غان کمک ہلنگ آن تینے توپس۔ پنجگور (نامہ نگار)