محسن نقوی نا سیم آ پترینگ گیگ نا بے سہبی آ سیکورٹی فورس آتا ستا
Get real time updates directly on you device, subscribe now.
اسلام آباد، بنجائی وزیر داخلہ محسن نقوی قطبی وزیرستان نا خڑک آ پاک اوغان سیم آ فتنۃ الہندوستان نا دہشت گرد آتا پترینگ گیگ نا پراگندہ کوشست ءِ بے سہب کننگ آ سیکورٹی فورس آتے گچین لوز آتیٹی خراج تحسین پیش کرینے۔ وزارت داخلہ نا کنڈآن جاری بیان نا رداٹ او فورس آتا مستعدی نا ستاءِ کرسا پارے کہ ورناک وخت آ و دلیری کارروائی کرسا سیم انا کنڈآن پترینگوک 15 دہشت گرد آتے دوزخی کریر و دشمن نا پراگندہ عزم آتے مش تا کریر۔ محسن نقوی وطن عزیز نا دفاع ٹی مونی مروک سیکورٹی فورس آتا بہادر گلزادہ غاتے سلام پیش کرسا پارے کہ قوم تینا بہادر ورناتاکسبی لائخی، عسکری حکمت عملی و دروری جیرت آ گمر کیک۔ او پارے کہ دہشت گرد آک ملک انا امن ءِ خراب کننگ خوارہ ولے پاک فوج و سیکورٹی ادارہ غاک سیم تیا سوگو ءُ دیوال اس جوڑ مرسا دشمن نا پراگندہ ڈٹ آتے بے سہب کننگ ءُ۔ مچ آ قوم سیکورٹی فورس آتتون ہم کوپہ سلوک ءِ۔